بالنسبة للقرار التحويل سواء قاعدت سواء مشيت، هي معادلة واحدة بس هي اللي هتوصل

للمكان اللي انت عاوزه

المعادلة هي: هتدّي هتاخد ... اذا كنت هتتعب فإنت هتوصل سواء كنت في اي حته

و لأي مكان ... 

و+حاجة واحدة برا المعادلة خالص و هي توفيق ربنا

بس الواحد بيدور على أنسب فرصة ليه سواء جوه او بره​

​

هتدّي هتاخد مرتبطة بالظروف و شكل العملية اللي هتخوضها عشان اوصل زى

​

1 نظام الامتحانات سواء في ستيم او ثانوية

2 المناخ العام للمذاكرة حواليا... هل باخد دروس كل أيام الاسبوع وبروح اذاكر ولا قاعد طول الاسبوع ف المدرسة وبذاكر مع صحابي و ايه انسبلي فيهم

3 ايه الفرص المتاحة ليا هنا و هنا و انا عايز انهي من الفرص ديه

4 في اسوء الحالات هروح فين ف الحالتين

​

STEM

-أولا: كدا ديه اول مرة ميكونش التنسيق الحكومي مقتصر علي مدرستين بس.. طب هل الموضوع هيتعدل و بنسبة اد ايه بردو و كام واحد هيخشوا اللي هم عايزينه ف لازم تحط في اعتباراك النقطة ديه جدا

​

-ثانيا: نظام الامتحانات في ستيم انت بتتدرب عليه بقالك سنتين -حتي لو مبتجبش درجات عالية- بس عمتا سواء كنت ثانوية او

ستيم ف طريقة تفكيرك و مذاكرتك ف تالته بتتغير و بتتحسن - إلا من رحم ربي و بيكون ضاربها طناش يعني - ف ديه نقطة حلوة

​

-في ستيم طبيعة المذاكرة مرنة اكتر نظرا لانك بتقعد مع نفسك اكتر و مش مرتبط بشكل قوي بالدروس مع انك ممكن تاخد دروس بس مش هيكون بشكل مكثف..

​

حاجة تانية ألا و هي ان الكل حواليك هيكون بيذاكر و بيدح و بيقدم ع جامعات و الخ الخ ... لازم تسأل نفسك كويس هل انا نفسيا هقدر استحمل ده و اذاكر عادي ولا لأ... فيه ناس بتقدر و ناس بتتعب ... ده شئ يرجع لكل واحد و شخصيته

​

AUCلو علمي رياضة ليك غير التنسيق الحكومي منح هندسة النيل بسهولة و زويل بتقبل من78%و الغرير

عشان تسافرSAT,TOEFL منح الجامعات الخاصة و في نفس الوقت وقتك يسمح انك تذاكر و تاخد 

لو علمي علوم ليك طب عسكري و طب حكومي و منح جامعات خاصة و الخ الخ

​

الثانوية

نظام التنسيق مش جديد فيها من قبل سنة 96

​

mcqو ده قلل المجاميع في الثانوية بنسبة معينة بس انت متدرب mcqنظام الامتحانات اتغير من سنة فاتت

​

الجو العام للمذاكرة دروس طول الأسبوع و ضغط مشاوير بس، لكن بترجع بيتكم ف الاخر تذاكر مع نفسك من غير تشوف نص دفعتك بيدح جنبك..

​

-لو علمي رياضة ليك كل الكليات زي لما تكون ف ستيم ما عدا منحة النيل و ان كانت النيل بتدي منح لو حد جايب مجموووع عالي اوي ثانوية و ليك الغرير عادي جدا بس مظنش هتبقي فاضي تذاكز تويفل ولا سات خالص
-مش عارف نظام طب عسكري بيمشي ازاي من برا بس غير كدا ليك تنسيقك الحكومي و فيه منح الجامعات الخاصة

......

المهم بعد كل الكلام ده

مفيش حد هيعرف يقررلك قرارك غيرك لان انت اللي هتشيل الشيلة و هتتحمل مسئولية قرارتك شئت ام أبيت 
و عشان كدا لازم تفكر ف اللي يناسبك انت مش غيرك لا هو عيب تفضل ف المدرسة و لا هو عيب تسيبها بس العيب انك تحط نفسك ف مكان انت مش قده و فيه مكان هييسرلك العملية كتير و يوصلك للي انت عايزه

سواء هنا او هناك محدش يعرف غيرك

و اخيرا
اقعد احسب الفرص المتاحة اللي حاطط عينك عليها ف كل مكان و ايه اللي هتدّيه عشان تاخدها و هل مستعد ولا لأ