س- ممكن أعرف هو ينفع تقديم ل Stem من الأزهر أو لا ؟؟

الأزهر لأ.

 

ش-عادي لو قدمت ب بيان النجاح اللى جبته بعد التظلم  بدل الشهادة الإعدادية؟

اه ينفع بس أهم حاجة تلحق قبل ما باب التقديم يتقفل.

 

ص-المصروفات كام؟

كل سنة بتتغير بس ممكن تبقي 2000 او 3000 جنيه وممكن 5000 جنيه .

 

ض-هل في إستثناء ممكن يحصل ويبقي فيه إعفاء من المصاريف؟

لو عندك مشكلة في المصاريف ممكن تقدم بحث إجتماعي عن الحالة الإقتصادية لأسرتك إنك محتاج إعفاء من المصاريف دي، وبيتم قبوله لو يستحق. واللي والده متوفي يقدم شهادة الوفاة مع الأوراق بدل إيصال الدفع.

 

ط-هل هناك طلب تحويل يؤخذ من المدرسة القديمة (الإعدادي) الى(ستيم) ؟

لا تقديم عادي بالأوراق المطلوبة من موقع الوزارة.

 

ظ-هل تُطلب أختام معينة من المديرية و الإدارة التعليمية ؟

ختم النسر لازم يكون ع الكشف الطبي وبيان النجاح.

 

ع- هل ينتقل الطلاب بحقائبهم الى المدرسة في نفس يوم تقديم الملف أم يتم تقديم الملف أولا ومن ثم يذهب الطلاب فيما بعد؟

لا التقديم بيكون قبل بدء الدراسة بحوالي اسبوعين.

 

غ- هو فيه إنترفيو عشان القبول؟

لا مفيش.

 

ف-هو فيه إعادة لإمتحانات القبول؟

اه بس دي بتبقي إستثناءات يعني لو النور قطع مثلا وممتحنتش أو الكمبيوتر اللي بتمتحن عليه مشتغلش كويس أو حاجات زي كدة بس مينفعش تمتحن وتخلص وتقول عايز أعيد عشان الدرجة مش كويسة.

 

ق- هو أنا ممكن اعمل على إمتحانات القبول تظلم وازاي؟

اه ممكن بتروح الوزارة وبتسأل عن خدمة المواطنين وهناك بتعمل تظلم.

 

ك- اللي ممتحن سفارة وجايب مجموعها ليه إنه يخشهااا؟؟

أيوه طبعا ممكن عادى جدا فى زمايلنا كتير كده السنة الي فاتت بتوع السفارة كان ليهم الحق يدخلوا مادام محققين الشروط.

 

ل- (تبع متفوقين عين شمس) - شروط الإلتحاق ب مدرسة عين شمس إي هي؟

- أن يكون الطالب مصرى الجنسية. - أن يكون من الحاصلين على الشهادة الإعدادية فى نفس العام. - أن يكون حاصلاً على 90 % من المجموع الكلى على الأقل . - ألا يكون قد رسب فى أى سنة من سنوات النقل فى المرحلة الأساسية. - أن يجتاز الاختبار النفسى والتحريرى المركزى الذى يقرره وزير التربية والتعليم ويعقد بالمدرسة. - يقيد بالمدرسة 96 طالب من الحاصلين على أعلى الدرجات فى المجموع الكلى فى الاختبارات النفسية والتحريرية مضافاً إليه مجموع درجاته فى الشهادة الإعدادية ويحدد هذا المجموع الاعتبارى مجلس إدارة المدرسة. - ألا تزيد كثافة الفصل بأى حال عن 24 طالب ولا تقل عن 15 طالب.

ملحوظات هامة : وفقاً للقانون رقم 189 لسنة 1990 فإنه :

1. لكى يستكمل الطالب دراسته فى الصف الثانى بمدرسة المتفوقين الثانوية بعين شمس يجب أن يكون ناجحاً فى كل المواد فى امتحانات الدور الأول وأن يحصل على نسبة 80% من المجموع الكلى على الأقل فى امتحانات الصف الأول الثانوى.

 

م- لو سمحت أنا كنت فمدرسة خاصة اللى هي الفرنسيسكان فكوم أمبو فأسوان وكنت بدفع 3000 جنيه فالسنه هل شرط إن اللى كان فمدرسة خاصة هدفع مصاريف 30000 جنيه وهل الشرط ده حقيقى ولا دى إشاعات ؟؟!

القرار الوزارى وضح إن الناس اللى كانت بتتدفع اقل من 30000 فى مصاريف مدرستها يبقى هتدفع 3000 جنيه بس زى الحكومى والإنترناشونال بس هما اللى هيدفعوا.

 

ن- أنا مكتوبلي الرغبه الثانية خارج التوزيع الجغرافي لا أرغب دا صح ولا غلط؟

الرغبه الأولى بتبقى تبع محافظتك والتانيه اقرب مدرسه ليك بس لو مفيش مكان فيها بتروح رغبه تالتة.

 

ه- هو أنا لو قدمت لازم اقعد هناك حتي لو كنت قريبة منها ولا عادي أروح و أجي ؟

لا دى داخلى مينفعش غير بإقرار من ولى الامر ومش ع طول بيبقى قليل جدا يعنى يوم فيه ظروف وهكذا وكمان لازم ولى الامر يكون موجود.

 

و- لو حدث خطأ اثناء كتابة البيانات اثناء ملئ استمارة التقدم , هل يمكن التعديل؟

ايوا ممكن تعدلها تانى وتطبعها وتقدم المتعدل عليها.

 

ي- أنا لما طبعت الإستماره كاتبلي تاريخ الحصول على الشهاده الاعداديه 2016 دا صح يعني ولا غلط؟

ايوا يقصد بيه نتيجة تالته اعدادى لهذا العام.

............

 

ا- أنا قدمت حسب التوزيع الإقليمى طلعلى مدرسة المعادى وعايزة أقدم فى مدرسة المنوفية وتغيير الرغبة علما باننى من محافظة القليوبية؟

إختار الاقربلك وبعدين دا حسب توزيع جغرافى ف مينفعش تروح مدرسة تانيه وفي أماكن بمدرستك ف يفضل إنك تدخل ولو حابب تحول بعدها حول لستيم تانيه.

 

ب- أنا إخترت في الرغبات على مدارس المتفوقين للعلوم والتكنولوجيا بس المفروض أحدد على مدرسة عين شمس كمان ولا لا؟

لا دى إستماره ودى إستماره.

 

ت- أنا طبعت الإستمارة مكتوب من فوق مدرسة المتفوقين بعين شمس وأنا معلم على الإختيار بتاع STEM  وبتاع عين شمس هو كدا صح ولا اي؟

دى إستماره ودى إستماره.

 

ث- هو أنا بعد ما أطبع الإستمارة بقدم معاها إي؟

بتعمل منها نسختين وصورتين ليك وصور شهاده ميلاد كمبيوتر و صوره من شهاده إتمام المرحلة الإعدادية ووصل من البنك.

 

ج- التقديم هيفضل فاتح كام يوم؟ 

التقديم بيفضل فاتح عالأقل اسبوعين.

 

ح-أنا من المنوفية و حابب أدخل أي حاجه غيرها أكتب الرغبات ازاي ؟

مش هتجيلك غير بالتوزيع الجغرافى بتاعك ف أفضلك تاخد رغبه تانية ف المدرسه اللى إنت حاببها غير المنوفية لكن غالبا هتروح المنوفية وف الاخر  بيبقي ع حسب كذا نسبه منهم مجموعك وإمتحان القبول .

​

​

​

 

​