ج-إي وسائل الترفيه؟

1/ ملعب كورة قدم

2/ملعب كورة سلة

3/ملعب طايرة

4/ملعب تنس

5/بينج بونج

6/جيم

​

 ح- إي نظام المعيشه هناك ؟

  -إنت بتقعد فى سكن تبع المدرسة بيكون فى مشرفين معاك السكن ع حسب المدرسة بس معظم 4 طلاب والحمام داخلى فى الاوضة وفى مطعم وفي مدارس بيكون فى فيها مغسلة ومكواه.

​

خ-إحنا اللي بنختار الناس اللي معانا في الأوض ولا بنبقي مجبورين عليهم؟

 لا طبعا إنتو اللي بتختارو بعض عادي .

​

د- أخبار الأكل والدليفري؟

 لو الأكل مش عاجبك عادي ممكن تطلب دليفري بس من محل موثوق فيه عشان ميحصلش ليكو حاجه  ودا مش لكل المدارس  فيه مدارس بتمنع الدليفري زي اكتوبر.

 

ذ- السكن؟

بتبقى ف الاوضة إنت و3تانى ممكن تختارهم عادى والأوضة ليها حمام خاص دا طبعا ع حسب كل مدرسة  بيسلموك عهدتك ال هى ( مخدة وملاية وبطانية وكفرتة) وبتمضى عليها ولو حاجة ضاعت إنت المسؤل عنها .... بيبقى ف قاعة المذاكرة ودى ال انتوا بتذاكروا فيها ومتوصل بيها النت .... وبيبقى ف ممرضة إقامة معاكوا علشان لو حد تعب  وبيبقى  فى أمن معاكوا ف السكن ومشرفات , طبعا أمن بنات ف سكن البنات ...ولو فى مدرسين مغتربين بينزلوا إقامة معاكوا.

 

ر- هحتاج أخد اي معايا؟؟

هدومك اللي تكفيك أسبوع ولبس المدرسة وفوطة وشبشب , طبق ومعلقة وشوكة, فلاشة طبعاا وتكون كبيرة , كشاكيل وأقلام كتيير , شاحن فونك ومشترك , وطبعا أدواتك الخاصة زى فرشة سنانك وشامبو وصابونة وبرفان ومناديل وأكياس قاعدة صحية ال بتتجاب من الصيدلية وممكن تاخد معاك أكل براحتك بس يكون مثلا معلبات أو حاجات جافة  عشان ماتبوظش زى مثلا تونة وإندومى وتوست اللي عايزة يعنى.

​

ز-موضوع الصحة بيهتمو بيه؟

ساعات بيبقي فيه دكتور بايت بالليل ولو مفيش بيبقي فيه عيادة في وقت اليوم الدراسي.

​

س-هو إحنا المفروض بنعمل إي بعد اليوم الدراسي؟

مفيش حاجة مفروضه عليك بس الأحسن تريح شوية وبعدين تتغدا وترجع تذاكر لحد العشا وبعد العشا ترفه عن نفسك.

​

ش-إي الأكل بتاع كل يوم وهل بيتغير ولا ثابت؟

الأكل بيبقي فطار المصريين فول وبيض وعصير وساعات بطاطس محمرة والغدا بيبقي طبيخ رز وأي حاجة جنبها أي بروتين فراخ أو لحمة أو كفتة أو كبدة والعشاء جبن وبطاطس وبيض وعصير.

 

ص- نظافة الحمامات والسراير والمدرسة عموما موجودة ولا مش أوي؟

الأوضة إنت المسئول عن نضافتها أما الحمامات اه في عمال بينضفوها.

 

ض-اللاب بناخده  معانا في الأجازة ولا بياخدوه؟

اه طبعا اللاب عهده عندك.

​

ط - بيبقي فيه كانتين أو ما شابه؟

اه فيه بس مدارس ومدارس.

 

ظ - النت سريع؟

بيوصل ل70 كيلو بايت بالعافية.

 

ع- هل يوجد إنترنت في أماكن السكن للتواصل مع الأبناء عن طريق الواتس أب / الفايبر /اللاين؟

مواقع التواصل بتبقي مغلقة وبتتفتح في وقت معين كل يوم.

 

غ- المشرفات بيعاملوكوا إزاى؟

بيصحونا كل يوم ويتأكدوا إن الكل اتغدى ويساعدوا حد لو تعب ويروحوا معانا المستشفى وكل شخصية مشرفة بتختلف عن التانيه يعنى ممكن تكون بتضحك وممكن تكون نكدية علطول بس لازم تعمل الحاجات ديه برضه.

 

ف- فيه كام مطعم؟

إتنين واحد للولاد وواحد للبنات وفيه مدارس بيبقي مشترك.