presentation skills 

لازم تحضر بوينتس كتير, بحثك يختلف ايه عن كل اللى سبقوك بالاحصائيات مثلا هم وصلوا لتوفير 60% ف سنة 2012 وفقا لورقة كذا ، وانا وصلت لكذا.. قارن بين شغلك وشغل السنين اللى فاتوا ومع كل حاجة بتضيفها جديدة نبه المستمع وكمان عملنا كذا جديد .. وفوق كدا ضفنا حاجة ماكنتش موجودة ..الخ

 

لازم وانت بتقول كل بوينت مطلوبة فى البوستر او البورتفوليو تقول مثلا وانت بتقول المشكلة بتاعتك بالضبط قول ان دى المشكلة والحلول السابقة قول ان دى الحلول السابقة كتير اوى مبيبقوش مركزين او حتى مش فاهمين بتقول ايه فلو انت موضحتش كل حاجة درجات بتروح على الفاضي ورغم انت عارف اكتر من المقيم 100 مرة ^^

 

قسموا الكلام عليكوا كلكوا .. جاوبوا بثقة مافورة جدا وتوه ولف واشرح السؤال بطريقة تانية لو ماعرفتش تجاوب لحد مالوقت يخلص بس ماتحسسهوش ابدا انك مش فاهم

​

لو حاجة معملتهاش في المشروع وصدمك بيها ماتعترفش من اولها وتقول ايه الغباء دا

​

جل من لا يسهو ^ ^ كلنا كنا هذا الشخص.. عدي الموضوع بسلاسة واطلب منه يعيدلك السؤال : معلش ممكن تعلى صوتك؟ ممكن تعيد تانى براحة؟ ممكن توضح اكتر تقصد ايه؟ وكل دا فكر ف حاجة بديلة عندك ف المشروع تسد مكان الحاجة اللى انت معملتهاش، قوله ماحنا بقى عملنا بدلها كذا وكذا واللى احنا عملناه ليه فوايد كذا وكذا واقعد اشرح فيه (واكيد انت متاكد اى جزء عندك عامله وليه مميزاته)

لو احتاست خالص قوله اه ما الوقت بقي والمشروع صعب وزى مانت شايف عملنا مليون حاجة جديدة زي كذا وكذا كذا فقلنا نخليها

further work

ونبقي ان شاء الله ممكن نكمل عليه ف مشروع الترم الجاي

​

​

لو سالك ع رقم او اسم مركب كيميائى او معادلة انت مش فاكرها وكاتبها عندك ف البوستر او البورتفوليو قوله بكل بساطة : بس احنا كاتبينها ف البوستر/ البورتفوليو تعالى حتى اما اوريهالك واقراهاله وانت بتشاور عليها وكانك عارفها  

​

لو عندك حاجة ملحقتش تعملها عملى حط النتائج النظرى المتوقعة المهم يكون عندك اسباب قوية وفاهم ليه وايه وازاى وقوله بامانة الحقيقة ^ ^

  

لو اشتغلت ف اماكن بحثية مهمة قلها لو سالك على مكان معين بالتفصيل ممكن يبقي شغال فيه فلو شغلك مش قد كدة ماتقولش تفاصيل احسن ^ ^ الدكاترة بيحكوا لبعضهم يعني وممكن تكون سمعتك سابقاك وان الله ستار حليم بقى بلاش تعرف الباقي ^^

اتدرب مليون مرة قبل العرض وقسموا الكلام عليكوا بالتساوى (اللى هيحب يبان اكتر هيوقع التيم كله ف درجات التيم ورك ^ ^  فنكبر شوية :) )

​

لو سالك عن جزء صاحبك فاهمه اكتر منك بلاش براءة (ما هو كان هايعرض الجزء دا ^ ^)  قوله حاجة سطحية جدا واغمز

لصاحبك ف الخفاء كدا يقوله (بلاش تدوس ع رجله فجاة عشان هيصوت وهيفضحك ^ ^). ولازم تكون عارف عن المشروع كله حتى لو مش بنفس مستوى التفصيل وان كان يفضل تعرف كل التفاصيل.

لما صاحبك يغلط قول للمحكم هو يقصد كذا وماتبينش انه غلط 

in other words, he means

​

1. محدش يقاطع التاني ولو سال حد بعينه سيبوه يجاوب حتى لو مش فاهم الجزء اوى وبعدين ضيفوا تعليقاتكم ف الاخر

2. ابقوا تواصلوا مع المحكمين وهم شغالين فين وكدة وخدوا ارقامهم ممكن تحتاجوهم ف المستقبل

3. simulationهنج اللاب فصل-البروتوتايب علق –ال

4. كل دا عادى المهم تكون كل حاجة متسيفة وكل حاجة الكابستون ع كل لابات الجروب و لما تصلح المشكلة روح وريها للمحكم تاني واشطات خالص