![](https://static.wixstatic.com/media/356d0cee84164a4cb8304d44630a7ea6.png/v1/fill/w_1920,h_1080,al_c,q_95,usm_0.66_1.00_0.01,enc_auto/356d0cee84164a4cb8304d44630a7ea6.png)
مسابقه الازهر للطتبيقات الهندسيه
-: ايه هي المسابقه
معرض الأزهر للتطبيقات الهندسية(Azex)واحد من أعرق المعارض الهندسية اللى بيتم تنظيمها كل عام ، وتأسس عام 1999 قد تم تنشيأوه بوساطة د/احمد صفوت (رحمه الله)
معرض الأزهر هو معرض سنوى بيتم تنظيمه السنة دى للمرة 17 لعرض مشاريع التخرج وبيتم فيه تكريم لأفضل المشاريع ، السنة اللى فاتت حصل مشروع (أسعفنى ) من هندسة منوف ع أفضل مشروع تخرج .
المفروض انت كطالب أول لما تتخرج مطلوب منك ان تشتغل فى مكان مرموق وتلاقى فرصة شغل بسرعة ، فلو أخدنا كدا جولة فى إعلانات الشركات الهندسية عن الوظائف اللى عندها هنلاقى انهم بيطلبوا معرفة بمواضيع مش بتدرس فى الكلية ، المواضيع دى بتبدأ انك تتعلمها من خلال الكورسات اللى الفريق بيقدمها أو فى الشركات اللى بتقدم نفس نوعية الكورسات.
بس برضوا المعرفة دى بتكون معرفة نظرية بس, والجزء العملى فيها جزء بسيط. ففايدة المشروع انك تتطبق على اللى اتعملته, مش تطبيق صغير لا دا مشروع كامل
من فوايد المشروع برضوا انك بتغلط فبتتعلم وافتكر دايما انك "طول ما أنت مش جربت ف انت مش أتعلمت". فالمشكلة اللى بتواجهنا كمهندسين اننا بنتعلم نظرى بس ، بس المشكلة ان التفاصيل بتكون فى التطبيق العملى فكون أنك مش جربت ف انت كدا فايتك جزء كبير من المعرفة ، وافتكر أن الشركات دلوقتى بتحتاج ناس جاهزة تشتغل على طول مش ناس تضيع عليهم مجهود ووقت كبير فى تعليمهم الاساسيات ، فلازم تروح للشركة وانت هاضم الاساسيات كويس ، ودا تعمله لما تعمل مشروع كتطبيق على النظرى اللى اتعلمته فى الكورسات
وبرضوا من الفوايد للمشروع اننا لما بنيجى نكتب الـCV بتاعنا مش بنلاقى حاجة نكتبها فيها، بس المشاريع من الحاجات اللى تقدر تكتبها فى الـCV ودى كمان بتعلى فرصك فى الشغل ، لانها بتعرف اللى بيقرأ الـCV بتاعك أنك شخص صاحب خبرة
دى كانت جزء صغير من فوائد العملى والمشروع, والمرة الجاية ان شاء الله هنتكلم عن الفوائد ليك كمهندس من أنك تشارك فى معرض هندسى للمشاريع.
ولو عندك مشروع عايز تشارك بيه فى المعرض بس قدامك لسه شوية فى المشروع فالدعم الفنى هيساعدوك لما تملى الابلكيشن دا: https://goo.gl/CclNsR
: الفوايد اللى بتعود علينا لما نشارك فى المعرض بمشروع
ناس كتير بتفتكر إنك لما تشارك في معرض بمشروع ، إنها بتبقي فرصة أنك تكسب الجايزة بتاعة المراكز الأولى أيا كانت الجائزة (فلوس, كورسات, ....)
بس دى الاستفادة المباشرة, ومش الكل بياخد الاستفادة دى و في فوايد أهم من دي بكتير
فمن فوايد المشاركة فى المعرض اننا بنسوق لنفسنا, وبنعرف الناس على نفسنا وعلى إمكانيتنا
فلو فضلت فى البيت أو المحاضرة مفيش حد هيعرفك, انما لما تشارك فى المعرض هتلاقى ان الناس كلها بتيجى تكلمك وتسألك عن مشروعك.
وممكن تواجدك فى المعرض يفتح ليك باب شغل أو تدريب فى شركة من الشركات المتواجدة فى المعرض
كنا قولنا أن من فوايد المشروع عموما اننا بنكتبه فى الـCV ، بس برضوا لما بنكتب فى الـCV اننا شاركنا بالمشروع دا فى معارض كذا وكذا دا بيدى للـCV ثقل أكبر
غير كدا كمان بتوسع شبكة علاقاتك , ففى المعرض بتقابل متسابقين زيك ممكن يكونوا شركاء مستقبلين ليك فى مشاريعك الجاية.
وكمان بتقابل مهندسين من شركات مختلفة ممكن يكون الطريق ليك علشان تدخل الشركة دى.
و بتقابل زوار فى المعرض ممكن يكون بعضهم وارث ويعجبه مشروعك فيمولك مشروعك. فمن الاخر أى شخص بتقابله فى المعرض هو استفادة
إزاى تبدأ فى مشروعك
خلونا نتفق ان المشروع بتاعك لو مفيش حد هيستفاد منه فهو من الاخر تطبيق على اللى بتتعلمه ،، يعنى بتعمله علشان تتأكد انك فهمت الجزء النظرى القائم عليه المشروع. فحاول أنك تبعد عن النوع دا من المشاريع لانه هيتركن على جنب زى غيره من المشاريع, بالاضافة إلى انه مش هيشد الناس اللى بتحضر المعرض :\
فلازم مشروعك يكون فيه ناس هتستفاد منه لو اتطبق ;) وخلونا دلوقتى نبص على طريقة لتحديد مشروعك :D
1) فكر فى المشاكل اللى حواليك, سواء كانت مشاكل بتواجهك أنت شخصيا أو بتواجه ناس تعرفها,وأكتب المشاكل دى.
2) اختار مشكلة من المشاكل اللى انت كتبتها, واختار المشكلة اللى بتمس أكبر فئة من الناس (أو ممكن على حسب المعيار اللى انت تحطه للإختيار).
3) بعد ما اخترت المشكلة اللى انت عاوز تحلها, ابدأ فكر هتحلها ازاى بإستخدام المعرفة اللى عندك (والكورسات اللى وجعت دماغنا بيها : فحدد حل مبدأي للمشكلة
4) ابدأ ابحث على الانترنت عن الحلول اللى الناس عملتها قبلك للمشكلة بتاعتك, بحيث انك متعيدش اختراع العجلة من تانى, وكمان علشان تشوف تفكير الناس.
5) بعد ما حددت طريقتك لحل المشكلة, وكمان شفت حلول الناس ليها , ادمج الاتنين مع بعض واطلع بالحل النهائى بتاعك للمشكلة (من الاخر فكرة المنتج بتاعك) .
6) نحب نهنيك :D كده طلعت بالفكرة النهائية فابدأ دور إزاي تنفذ الفكرة ؟ , وبعدها ابدأ فى التنفيذ.
لو لسه مش عارف تبدأ تدور من فين فهنسهل عليك الموضوع كمان من هنا : https://goo.gl/TNhi84
لينكات لأهم مواقع المشاريع:
المواقع دى مترتبة من حيث الاستفادة المتوقعة , دا عدد صغير جدا من مواقع المشاريع بس دى تعتبر الاشهر ودى اللى هتسد الاحتياج اللى عندك ومش هتبقى مضطر أنك تدور فى حتت كتير.
أما بقي المواقع دي فمترتة حسب المجال الي أنت حابب تعمل فيه المشروع بتاعك :D
Embedded:
-----------------------------
Renewable Energy:
---------------------------
IOT:
Digital Circuits:
The link of this page: https://www.facebook.com/AlAZharEXhibition